رمز الكرامه يا غزه

قولولى لامتى هنفضل ..... ع الظلم دا ساكتين ؟؟

و لحـد امتى هنفضــل ..... بالذل دا راضيين ؟؟؟

هو احنـا مش اخوان ؟؟ ..... و اخوانا فى فلسطين ؟؟

فينك يا ضميـــر العرب ؟؟ ..... خدوك ودوك على فين ؟؟؟

حطوك فى بنوك سويسرا ؟؟ ..... و لا فى جيوب كوهيــن ؟؟

رمز الكرامه يا غزة ..... شافوكى بكل عين

بتموتى من كل هـــزه ..... و تقولى يا مسلمين

هو انتوا نسيتوا قانا ؟؟؟ ..... و لا نسيتوا جنين ؟؟؟

حرام عليكم الصمــــــت ..... العجز و تكتيف الايدين

و شعوب العرب فاض بيها ..... الصبر و الغضب الدفين

و قفوا و قالـــوا لا ..... فى وش المعتدين

قالوا دمانا فداكــــــى ..... و أرواحنا يا فلسطين

دى قلوبنا دى بتهواكى ..... يا اولـــــى القبلتيـــــــن